गोर्खा वारियरको टिजरः जंगलमा गोर्खाली सेनाको भिडन्तको कथा

लभ स्टोरी र स्टाइलिस्ट फिल्म बनाउँदै आएका निर्देशक मिलन चाम्सले यसपटक गोर्खाली सेनाको कथामा ‘गोर्खा वारियर’ नामक फिल्म बनाएका छन् । आउँदो बर्ष रिलिज हुने यो फिल्मको आज टिजर सार्वजनिक गरिएको छ । फिल्ममा रितेश चाम्स, विजय लामा, रेविका गुरुङ, कविता आले, रेयर राई लगायतका कलाकारको अभिनय छ ।

लण्डन सिने आई प्रोडक्शन र चाम्स इन्टरटेन्मेन्टको ब्यानरमा निर्माण भएको यो फिल्ममा सुदिप बरालको छायांकन, हिमाल केसीको एक्सन, अर्जुन जीसीको सम्पादन, एलिस कार्कीको संगीत छ ।

फिल्मको टिजरमा जंगलमा नेपाली गोर्खाली सेनाले गरेको युद्धको कथालाई उठान गरेको छ । फिल्मको टिजर गज्जबको बनेको छ । जसलेगर्दा, दर्शकमा फिल्मलाई लिएर व्यग्रता बढ्न सक्छ ।

निर्देशक तथा निर्माता मिलन चाम्सले यो फिल्मलाई विश्वभर रिलिज गर्ने तयारी भैरहेको बताए । फिल्मलाई बेलायतमा १० हजार दर्शकमाझ रिलिज गर्ने उनले बताए । सुस्मिता वाइवा र सुमन राइको लगानीमा बनेको फिल्ममा प्रशान्त थापा र राजेन्द्र घिमिरे कार्यकारी निर्माताको रुपमा छन् । यस्तै, सुरेश राई यो फिल्मका सह–निर्माता हुन् ।