‘पठान’को ‘झुमे जो पठान’मा हट साहरुख र दीपिका

फिल्म ‘पठान’को पहिलो गीत ‘बेसरम रंग’ सार्वजनिक भएको ९ दिन भयो । यो गीतले युट्युबमा १० करोड भ्यूज पाएको छ । यतिबेला, भारतका राजनीतिज्ञदेखि लिएर आम मानिसको मुखमा यही गीत छ ।

यो गीत ब्लकबस्टर भएपछि यसको दोश्रो गीत ‘झुमे जो पठान’ सार्वजनिक गरिएको छ । बिशाल एण्ड शेखरको संगीतमा तयार गीतमा कुमारको शब्द, अर्जित सिंह, सुखरिती कक्कर, विशाल र शेखरको स्वर छ ।

बोस्को क्याइसरको कोरियोग्राफीमा तयार भएको यो गीतको भिडियामा नायक साहरुख खान र नायिका दीपिका पादुकोणको रोमान्स हेर्न सकिन्छ । गीतमा साहरुख र दीपिकालाई हट अवतारमा देखाइएको छ । सिद्धार्थ आनन्दको निर्देशनमा तयार भएको चलचित्र सन् २०२३ को जनवरीको २५ तारिखबाट रिलिज हुँदैछ ।