बालिका बलीको कथामा ‘चि मुसी चि’

फिल्म ‘चि मुसी चि’को आज ट्रेलर सार्वजनिक भएको छ । यो फिल्मले छोराका लागि एक बालिकाको हत्या गरिएको कथालाई हरर शैलीमा भनेको छ । सार्वजनिक ट्रेलरमा मुख्य कलाकारहरुको छटपटी र डरलाई देखाइएको छ । फिल्म पौषको २२ गतेबाट नेपालभर रिलिज हुँदैछ ।

‘चि मुसी चि’मा आयुष्मान देशराज जोशी, प्रियंका कार्की, ऋचा शर्मा, बेनिशा हमाल, रविन्द्र झा, राजन खतिवडा लगायतका कलाकारको अभिनय छ । अरुण चक्रवर्ती र एमी स्टूडियोको निर्माणमा तयार भएको फिल्ममा मार्याना जेम्स र यश सैनीको कथा तथा पटकथा, सुशान्त प्रजापतिको छायांकन, यश सैनीको सम्पादन छ ।

फिल्मलाई मार्याना जेम्स र यश सैनीले मिलेर निर्देशन गरेका हुन् । फिल्ममा रिञ्जु केसी र अरुण चक्रवर्तीको लगानी छ ।