सलमान खानले विहे गरेपछि मात्रै म बिबाह गर्छु -प्रभास

बाहुबली स्टार प्रभासलाई हालै एक टक शोमा उनको प्रेम जीवनको बारेमा सोधिएको थियो । यसै क्रममा उनलाई बिहे कहिले गर्ने भनेर सोधियो । यसको जवाफमा प्रभासले सलमान खानसँग विवाह गरेपछि मात्रै विवाह गर्ने बताएका छन् । यति भनिसकेपछि उनी चर्को स्वरमा हाँस्य ।

प्रभास फिल्म क्षेत्रका मोस्ट एलिजिबल ब्याचलरमध्ये एक हुन्। हालै प्रभासको र कृति सेननको लिंकअपको खबरहरु पनि आइरहेका छन् । यी दुई मेगाबजेटको फिल्म आदिपुरुषमा सँगै देखिदैछन् ।

नन्दमुरी बालकृष्णको ओटीटी टक शो अनस्टपबल २ मा प्रभासलाई उनको व्यक्तिगत जीवनको बारेमा धेरै प्रश्न सोधिएको थियो। यसै क्रममा शोका होस्टले प्रभासलाई बिहे कहिले गर्ने भनेर सोधेका थिए । जसको जवाफमा प्रभासले भने, ‘सलमान खान पछि। यति भनिसकेपछि उनी चर्को स्वरले हाँस्न थाल्छ । सलमान खान ५९ वर्षका भइसकेका छन् तर उनले अहिलेसम्म विवाह गरेका छैनन् ।

केही दिन अघि प्रभास र कृति सेननको लिंकअपको खबर पनि आएका थिए । एक रियालिटी शोमा वरुण धवनले प्रभाससँग कृतिको नामको बारेमा कुरा गरेका थिए । फ्यानले प्रभास र कृतिले आफ्नो सम्बन्ध सार्वजनिक गर्ने अनुमान गरेका थिए तर कृतिले सामाजिक सञ्जालमा पोस्ट गरेर यी सबै हल्लाको अन्त्य गरिन् । यसबाहेक वरुणले आफूले भनेका कुराको स्पष्टीकरण पनि दिएका थिए ।

प्रभास र कृति सेननको जोडी अर्को वर्ष आउने फिल्म आदिपुरुषमा देखिन लागेका हुन् । उनीहरुको लिंकअपको खबर यही फिल्मको सेटमा आएको हो । ओम राउतको निर्देशनमा बनेको यो फिल्म १६ जुन २०२३ मा रिलिज हुनेछ । फिल्ममा प्रभास, कृति सेनन, सैफ अली खान र सन्नी सिंहको महत्वपूर्ण भूमिका रहेको छ ।

यो पान इन्डिया फिल्म हो, जुन हिन्दी सहित तेलुगु, तमिल, कन्नड र मलयालम भाषामा रिलिज हुनेछ । फिल्मको बजेट करिब ५०० करोड रहेको बताइन्छ । यस फिल्मको टिजर रिलिज भएसँगै धेरै ट्रोल पनि भएको छ । फिल्मको कमजोर भीएफएक्स र भगवान राम, हनुमान र रावणको रूपलाई गलत रूपमा प्रस्तुत गरेकोमा फिल्मका निर्माताहरूले धेरै आलोचनाको सामना गर्नुपरेको छ।

प्रभाससँग डेट गरिरहेकी छिन् त कृति !