प्रचण्ड भेट्न खुमलटार पुगे विवेक

१० दिने भ्रमणका लागि बुधबार बेलुकी नेपाल आइपुगेका नायक विवेक ओवरायले माओवादी केन्द्रका अध्यक्ष प्रचण्डसँग भेटघाट गरेका छन् । आज बेलुकी उनी आफ्ना पिता सुरेश ओबरोयको साथमा खुमलटार पुगेका हुन् । खुमलटारमा उनीहरुले प्रचण्डसँग के कुरा गरे भन्ने खुलेको छैन ।

तस्वीर खिचाउने क्रममा विवेकसँग प्रचण्डकी छोरी गंगा दाहाल र नातिनी स्मिता दाहाल पनि साथमा देखिएका छन् ।

प्रचण्डसँग भेटघाट गर्नु अगाडि विवेक र उनको परिवारले पशुपतिनाथ मन्दीरको दर्शन गरेको थियो । साथै, उनीहरुले चन्द्रागिरीको पनि भ्रमण गरेका थिए । विवेक १० दिन नेपाल बस्नेछन् ।