‘डिसेम्बर फल्स’को ट्रेलरमा उपासनामाथि पोखिएको आर्यनको प्रेम

काठमाडौंमा एक कार्यक्रमको आयोजना गर्दै पौषको १५ गतेबाट रिलिज हुन लागेको फिल्म ‘डिसेम्बर फल्स’को ट्रेलर सार्वजनिक भएको छ । डिसेम्बर २३ तारिखमा एक नर्सको जीवनमा आइपर्ने घटनालाई मुख्य केन्द्रमा राखेर यो फिल्म तयार भएको छ । फिल्ममा आर्यन सिग्देल र उपासना सिंह ठकुरी मुख्य भूमिकामा छन् ।

फिल्मको ट्रेलरमा आर्यन र उपासनाको रोमान्स, उमेर अन्तरका कारण आउने समस्या, उपासनाका लागि आर्यनको लडाई देखाइएको छ । यो फिल्ममा शिवहरि पौडेल, नागेन्द्र रिजाल, सलोन बस्नेत, नरेश भट्टराई, शिशिर राणा, गीता अधिकारी लगायतका कलाकारको पनि अभिनय छ ।

फिल्ममा दीपक शर्मा, कोशिश क्षेत्री, सुशान्त गौतम र प्रतिक पौडेलको संगीत, महेश गुप्ताको छायांकन, विपिका खनालको कथा, श्री श्रेष्ठको एक्सन, बनिष शाहको सम्पादन छ । रामप्रसाद रिजालको प्रस्तुति तथा निर्माणमा तयार भएको फिल्मका निर्माता रामकुमार भट्ट हुन् । फिल्मका कार्यकारी निर्माता लक्ष्मण रिजाल र अशिम काफ्ले हुन् ।

फिल्मको मेकिङ उच्च छ । फिल्मको कथाबस्तुले दर्शकको साथ पायो भने आर्यन र उपासनाको फिल्मले व्यापारमा उछाल ल्याउन सक्छ ।