श्रद्धा र विक्कीले गरे इन्गेजमेन्ट

कमेडीयन विक्की अग्रवाल र मोडल तथा रियालिटी शो निर्देशक श्रद्धा प्रसाँइबिच इन्गेजन्मेन्ट भएको छ । उनीहरुले आज काठमाडौंमा इन्गेजमेन्ट गरेका हुन् । श्रद्धा र विक्कीको मिति भने तय भएको छैन । श्रद्धा र विक्की केही समयदेखि प्रेम सम्बन्धमा थिए । तर, यो जोडीले कहिले पनि प्रेमलाई स्विकार भने गरेको थिएन ।

तर, आज एक्कासी इन्गेजमेन्ट गरेर उनीहरुले सबैलाई सरप्राइज दिएका छन् । इन्गेजमेन्टमा उनीहरुका नजिकका साथी र आफन्त सहभागी छन् । विक्की विगत केही महिनादेखि चर्चित रियालिटी शो ‘कमेडी क्लब विथ च्याम्पियन्स’को निर्देशकको रुपमा काम गरिरहेका छन् । श्रद्धा यो शोको सह निर्देशक हुन् ।

यस्तै, यी दुइले मिलेर रियालिटी शो ‘आम्मा कसम यहाँ दुख्छ’ पनि तयार पारेका थिए । विक्की ‘कमेडी च्याम्पियन २’का उप विजेता समेत हुन् ।