सनम पुरी नयाँ यूवतीको प्रेममा, अश्मीसँग ब्रेकअप

पूर्व मिस नेपाल अश्मी श्रेष्ठ र भारतीय गायक सनम पुरीबिच ३ बर्षको प्रेममा ब्रेक लागेको छ । उनीहरुले सामाजिक संजालबाट एक अर्काको तस्वीर हटाएका छन् । साथै, सनम नयाँ यूवतीको प्रेममा रहेको खबर समेत बाहिरिएको छ ।

सनम आफैले सामाजिक संजालमा नयाँ यूवतीसँगको तस्वीर पोष्ट गरेका छन् । सनम र अश्मी गहिरो प्रेम सम्बन्धमा थिए । सनम नेपाल आएर अश्मीसँग केही रमाइला पलहरु पनि बिताएका थिए । सनम र अश्मी चाडै नै बैबाहिक जीवनमा बाँधिने तयारीमा समेत रहेको उनीहरुको सोसल मिडिया पोष्टले पनि वुझ्न सकिन्थ्यो ।

तर, अब ३ बर्ष लामो प्रेम सम्बन्धमा ब्रेक लागेको छ । सामाजिक संजालमा कलाकारहरु सम्बन्धमा ब्रेकअप लागेपछि एक अर्काको तस्वीर हटाउनेदेखि अनफलो गर्ने कुरामा अगाडि छन् । यो जोडीबिच पनि यस्तै घटनाक्रम विकसित भएको छ ।

सनमले केही समय अगाडि अश्मीको नाममा एक पत्र समेत लेखेका थिए । उनीहरुको प्रेममा ब्रेकअप कसरी भयो भन्ने खुलेको छैन ।