‘रिभेन्ज’को ट्रेलरमा प्रेम, धोका र बदलाको कथा

मन्दिप रानाको निर्देशनमा तयार भएको फिल्म ‘रिभेन्ज’को ट्रेलर सार्वजनिक गरिएको छ । पोखराका यूवाहरुले मिलेर यो फिल्मको निर्माण गरेका हुन् । फिल्ममा काम गर्ने कलाकार र प्राविधिक पनि पोखराकै छन् ।

प्रेममा बदला र समर्पणको कथाबस्तुमा यो फिल्म निर्माण गरिएको निर्देशक राना बताउँछन् । श्याम शुक्ला फिल्म प्रोडक्शनको प्रस्तुतिमा निर्माण भएको फिल्ममा एक्सन, कोरियोग्राफी पनि रानाकै छ । नवीन घतानेको लगानी रहेको फिल्ममा देशभक्त सिंहको संगीत, राहुल राइको छायांकन, नेत्र गुरु र अशोक आलेको सम्पादन छ ।

फिल्ममा नवीन घताने, देशभक्त सिंह कुँवर, बिजय कुमार, अबिराम बिसी, अर्जुन गिरी, गीत सुनार, रोशनी सुनैना, सुस्मिता परियार, तुलसा क्षेत्री, लक्ष्मण रोकाको अभिनय छ । यो फिल्मलाई पौष १५ गते युट्युबबाट रिलिज गरिनेछ ।