चर्चाबाट टाढा रहने आनाको हातमा २ फिल्म

नायिका आना शर्मा मिडियामा खासै आउन चाहन्नन् । कलाकारहरूले चर्चाको लागि विभिन्न स्क्यान्डल जन्माइरहँदा आना भने लाइमलाइटबाट टाढा छिन् । उनको प्रेम जीवनको बारेमा मिडियामा खबरहरू सार्वजनिक भइरहन्छन् । तर, आना हरेक कुरामा मौन नै बस्छिन् ।

उनै, आनाले फिल्म ‘मायाको माया’मा काम गरिन् । अब, उनले नयाँ फिल्म ‘बदलिदो आकाश’मा पनि काम गर्ने भएकी छिन् । नेपालको साथै भारतको दार्जिलिङ र सिक्किममा यो फिल्मको छायाङ्कन हुनेछ । भारतको फिल्म विकास निगमले आयोजना गरेको फिल्म बजारमा छानिएको स्क्रिप्टबाट यो फिल्म बन्नेछ । यो फिल्मलाई मच्छिन्द्र योङ्ग्यले निर्देशन गर्दै छन् भने अनुप पौडेल यसका निर्माता हुन् ।

यो फिल्मका लागि आना शर्मा बाहेक अरूलाई फाइनल गरिएको छैन । फिल्मलाई यात्राको कथामा निर्माण गरिनेछ ।