मेस्सीको टिम फाइनलमा जाँदा खुशी अनमोल केसी

नायक अनमोल केसीका फ्यान हजारौं दर्शक छन् । तर, नायक केसी भने फूटबलर मेस्सीलाई खुबै मन पराउँछन् । विश्वकप फुटबल निरन्तर हेरिरहेका अनमोलले मेस्सीले खेल जित्दा सामाजिक संजालमा खुशी व्यक्त गरिरहेका छन् । यो पटक मेस्सीको हातमा ट्रफी जानेमा अनमोल विश्वस्त छन् ।

उनै, अनमोलले मेस्सीको टिम अर्जेन्टिना विश्वकप फुटबलको फाइनलमा पुग्दा खुशी व्यक्त गरेका छन् । उनले रोचक शैलीमा लेखेका छन्–‘आई लभ मेस्सी बिकज आई एम अनमोल केसी ।’ अनमोलले मेस्सीको टिम फाइनलमा पुगेकोमा अत्यन्तै उत्साहित भएको बताउँदै आफू अत्यन्तै खुशी भएको लेखेका हुन् ।

नेपाली फिल्म क्षेत्रका कलाकारहरु पनि विभिन्न टिमको फ्यान छन् । तर, विशेषगरि मेस्सी र अर्जेन्टिनालाई मन पराउने अझै धेरै देखिएका छन् ।