साराका लागि गुञ्जिन जरुरी छ ‘गुञ्जन’

पौषको २९ गतेबाट रिलिज हुन लागेको फिल्म ‘गुञ्जन’मा नायिका सारा सिर्पाली नव–नायक प्रितम सेञ्चुरीसँग रोमानिटक देखिएकी छिन् । गीत सार्वजनिक भएको केही दिनपछि फिल्मको पोष्टर सार्वजनिक गरिएको हो । अष्ट महर्जनको निर्देशनमा तयार भएको यो फिल्ममा सरोज खनाल, हिउँवाला गौतम, कविर खड्का, रोहन शाही, निरुता स्याङतान, कन्चन चालिसे लगायतको अभिनय छ ।

हिराकृष्ण शाहीको प्रस्तुति र सुनिता शाहीको निर्माणमा तयार भएको फिल्मलाई पोखरा, काठमाडौं, जोमसोम र दुबइमा खिचिएको छ ।

यो फिल्ममा कवितराज गहतराजको कोरियोग्राफी, राजेश श्रेष्ठको छायांकन, विपिन मल्लको सम्पादन, करणराज, कल्याण सिंह र अर्जुन पोखरेलको संगीत छ ।

नायिका सारा सिर्पालीका लागि यो फिल्म चल्न आवश्यक छ । ३ वटा असफल फिल्मका कारण संभावना भएर पनि पछि परेकी सारालाई यो फिल्म अक्सिजन बनेको खण्डमा उनको करिअर सुखद हुने देखिन्छ ।