‘चि मुसी चि’मा कोसँग डराइन् प्रियंका ?

पौषको २३ गतेबाट रिलिज हुन लागेको फिल्म ‘चि मुसी चि’को सस्पेन्स र थ्रिलरले भरिएको टिजर सार्वजनिक भएको छ । यो टिजरमा कलाकारको गती र पाश्र्व संगीतलाई महत्व दिइएको छ । टिजर हेर्दा दर्शकमा डर, उत्सुकता पैदा हुन्छ ।

अरुण चक्राबर्तीको प्रस्तुतिमा तयार भएको फिल्मलाई एमी स्टूडियोको ब्यानरमा निर्माण गरिएको हो । फिल्ममा प्रियंका कार्की, ऋचा शर्मा, बेनिशा हमाल, आयुष्मा देशराज जोशी, राजन खतिवडा, रविन्द्र झा, गौरब बिष्ट लगायतको अभिनय छ ।

यो फिल्मले नेपालमा हरर फिल्मको ट्रेन्ड नै स्थापित गर्ने दाबी निर्माताको छ । फिल्ममा मर्ण जेम्स र यश सैनीको संयुक्त निर्देशन छ । रिञ्जु केसी यो फिल्मकी निर्माता हुन् ।