‘ए हो र माया’ सुपरहिट, तर लाग्यो महेश बाबुको फिल्मबाट चोरेको आरोप

लामो समयपछि एउटा आधुनिक गीत, सुपरहिट भएको छ । गायक हिमाल सागर र गायिका अनु चौधरीको स्वरमा समावेश ‘ए होर माया’ सुपरहिट भैरहेको छ । टिकटकदेखि सामाजिक संजालमा यो गीतको चर्चा खुबै छ ।

भिडियोमा विमल अधिकारी र सनिषा भट्टराइले गज्जबको काम गरेका छन् । बिमल अधिकारीको शब्द तथा संगीतको प्रशंसा गर्नुपर्छ । मौसम हिमालीले कलरफूल रोमान्टिक भिडियो बनाएका छन् ।

तर, मौसमले केही क्लिप्स साउथ फिल्मका गीतबाट उठाउँदा उनी चोरीको आरोपबाट मुक्त हुन भने सकेनन् । विशेषगरि, महेश बाबुको अभिनय रहेको साउथ फिल्म ‘सरकारु भारी पाता’ नामको फिल्मको ‘कालाभाथी’ बोलको गीतको एक दृश्यबाट मौसमले हुबहु दृश्य चोरेका छन् । यो चोरीको दृश्य अहिले सामाजिक संजालमा भाइरल छ ।

यति उत्कृष्ट भिडियो बनाएर पनि मौसमले आफ्नो क्रियशनलाई कही कतै छाड्दा चोरीको दागबाट भने मुक्त हुन सकेनन् । कहिलेकाही राम्रो कुरा गर्दा गर्दै पनि सानातिना दाग लाग्दा राम्रो कुरा हराउन सक्छ । मौसमको भिडियो पनि यसपटक यस्तै हुन पुगेको छ । सायद, मौसमले आउँदा दिनमा यो कुरामा ध्यान दिनेछन् ।