‘पुष्पा २’ मा दोहोरो धमाका ! अल्लु अर्जुनको अपोजिटमा ‘आरआरआर’ स्टार राम चरण देखिने

गत वर्ष अल्लु अर्जुन अभिनित फिल्म ‘पुष्पा’ ले बक्स अफिसमा धमाका मच्चायो । पान इन्डिया फिल्म ‘पुष्पा’ को क्रेज र डायलग ”मैं झुकेगा नहीं” संवादले मानिसको टाउको उठाउँदै थियो । यो फिल्ममा अल्लु अर्जुनको अभिनयले दर्शकलाई पागल बनाएको थियो । फिल्मका संवाद र गीत मानिस (दर्शक)को जिब्रोमा थिए ।

यसै क्रममा ‘पुष्पाः द राइज’को उत्कृष्ट सफलतापछि निर्माताले यसको दोस्रो भाग ‘पुष्पा २’ घोषणा गरेका थिए । यो फिल्मको सिक्वेल अहिले दर्शकका लागि बहुप्रतीक्षित बनेको छ। दोस्रो भागले  कौतुहल बढाएसँगै दर्शकका लागि ठूलो खबर आएको छ । उनी पुष्प २ मा साउथका सुपरस्टार राम चरण अल्लु अर्जुनसँगै देखिनेछिन् ।

निर्माण पक्षले अहिले फिल्म ‘पुष्पा २’ को तयारीमा जुटेको छ । अल्लु अर्जुन डिसेम्बर १२ बाट ‘पुष्पा २’ को सुटिङ सुरु गर्दैछन् । ‘पुष्पा’ निर्देशक सुकुमारले फिल्मको दोस्रो पार्ट ‘पुष्पा २’ बनाउन कुनै कसर बाँकी राखेका छैनन् । उनी आफ्नै एउटा ‘सिनेम्याटिक यूनिभर्स’ बनाउने तयारीमा छन्।

दर्शकको मनोरञ्जनका लागि यस फिल्ममा ठूला कलाकारको प्रवेश गरिने खबर मिडियामा आएको छ । मिडिया रिपोर्टका अनुसार सुकुमारले फिल्ममा सुपरस्टार रामचरणको क्यामियो गर्ने छन् । यो खबरपछि फ्यानहरुको खुसीको कुनै ठाँउ छैन । यद्यपी यो खबरलाई निर्माण पक्ष वा फिल्मको टिमले औपचारिक रुपमा जानकारी दिएका छैनन् ।

रामचरणले निर्देशक सुकुमारसँग आफ्नो अघिल्लो फिल्म ‘रंगस्थलम’ मा काम गरिसकेका छन् । यस फिल्ममा रामचरण मुख्य भूमिकामा थिए। यो फिल्म बक्स अफिसमा ब्लकबस्टर साबित भएको थियो । सोही रङ्गस्थलम फिल्मको ‘चिट्टी बाबु’को भूमिकामा रामचरणले पुष्पा २ मा एन्ट्री गर्ने बताइएको छ।

योसँगै केही महिना अगाडि रिलिज भएको फिल्म ‘आरआरआर’ले सफलताको रामचरणलाई नयाँ सिँढी चढिरहेको छ । यस फिल्मबाट रामचरण पान इन्डिया स्टार बनेका छन् । अब अल्लु अर्जुन र ‘आरआरआर’ स्टार राम चरणलाई फिल्म ‘पुष्पा २’ मा पर्दामा सँगै हेर्न पाउनु फ्यानका लागि ट्रीटभन्दा कम हुनेछैन । अब दर्शकहरु फिल्म समेटेर हलमा रिलिज हुने प्रतिक्षामा छन् ।

अभिनेत्री रश्मिका मन्डन्ना ‘पुष्पा २’ मा सुपरस्टार अल्लु अर्जुनसँग मुख्य भूमिकामा देखिनेछिन् । यस फिल्ममा रामचरणले काम गरे भने उनको क्यामियो रोल दर्शकले देख्नेछन् । फिल्म आगामी वर्ष २०२४ मा हलमा रिलिज हुन सक्छ ।