रिया चक्रवर्तीको जीवनमा नयाँ व्यक्तिको प्रवेशः सुशान्त सिंह राजपुत निधनको दुई वर्षपछि डेटिङमा

दिवंगत बलिउड अभिनेता सुशान्त सिंह राजपुतकी प्रेमिका रिया चक्रवर्तीको जीवनमा नयाँ व्यक्तिको प्रवेश भएको खबर सञ्चार माध्यममा समर्वजनिक भएका छन् । रिपोर्टका अनुसार रिया हाल एक स्पोर्ट्स म्यानेजमेन्ट कम्पनीका मालिक बंटी सजदेहसँग डेट गरिरहेकी छिन् ।

सुशान्तको निधनका बेला रियाले धेरै कठिनाइको सामना गर्नुपरेको थियो । सुशान्तले आत्महत्या गरेपछि सुशान्तका परिवारका सदस्यले रियाले सुशान्तलाई मानसिक रूपमा उत्पीडन गरेको आरोप लगाएका थिए । सुशान्तको निधनमा रियाको केही भूमिका रहेको परिवारको विश्वास थियो । यसबाहेक रियामाथि सुशान्तलाई ड्रग्स दिएको आरोप पनि लागेको थियो ।

यस अवधिमा रिया र उनका भाइ शौभिक पनि एक महिना जेल बस्नुपरेको थियो । तर, सुशान्तको मृत्युको अनुसन्धानका क्रममा उनको मृत्युमा रियाको भूमिका थियो भन्ने कुरा प्रमाणित भएको छैन । उनी प्रश्नको सामना गर्ने गर्दथिन् तर अहिले दुई वर्षपछि रियाको जीवनमा फेरि खुशी आएको देखिन्छ । यद्यपि बंटी र रिया आफ्नो सम्बन्ध गोप्य राख्न चाहन्छन्। बंटी सजदेह हालै सोहेल खानसँग अलग भएका सीमा सजदेहका भाइ हुन् ।

स्रोतका अनुसार बंटी र रिया सँगै धेरै खुसी छन्, विगत केही वर्षमा रियाले जस्तोसुकै समस्या भोगे पनि बन्टीले उनलाई यो कठिन समयमा सधै साथ दिएका थिए । रियाको लागि परिस्थिति नराम्रो हुँदा पनि बंटी रियाको सपोर्ट सिस्टममा रहे । जब रिया सुशान्त आत्महत्या प्रकरणमा संलग्न भइन्, बन्टीको ट्यालेन्ट म्यानेजमेन्ट कम्पनीले रियाको व्यावसायिक प्रतिबद्धतालाई व्यवस्थित गर्यो।

बंटी सजदेह खेलकुद व्यवस्थापन कम्पनीका सीईओ हुन्। उनको फर्मको मुख्य काम खेलकुदसँग सम्बन्धित व्यक्तिहरूको व्यावसायिक प्रतिबद्धताहरू व्यवस्थापन गर्नु हो। उनका ग्राहकहरूमा विराट कोहली, रोहित शर्मा, शिखर धवन र युवराज सिंह जस्ता केही ठूला नामहरू छन्। यस बाहेक बन्टीले ट्यालेन्ट म्यानेजमेन्ट कम्पनी पनि चलाउँछन् । उनी प्रायः क्रिकेटर र बलिउड सेलिब्रेटीहरुसँग पार्टी गरिरहेको देखिन्छ ।

रिया भन्दा पहिले उनको नाम सोनाक्षी सिन्हा र सुस्मिता सेनसँग पनि जोडिएको थियो । बंटी सजदेह सलमान खानका भाइ सोहेल खानका जेठान पनि हुन्। सोहेल हालै श्रीमती सीमा सजदेहसँग अलग भएका छन् ।

रिया चक्रवर्ती पछिल्लो केही वर्षयता बलिउडमा सक्रिय छिन् । उनले २०१२ को तेलुगु फिल्म ‘तुनेगा टुनेगा’ बाट आफ्नो करियर सुरु गरेका थिइन् । त्यसपछि उनले मेरे पिता की मारुतीबाट बलिउडमा डेब्यू गरिन् । उनले सोनाली केबल, जलेबीजस्ता चलचित्रमा अभिनय गरे पनि उनको कामलाई दर्शकले रुचाएनन् । उनी सुशान्त सिंह राजपूतसँगको सम्बन्धका कारण चर्चामा आएकी थिइन् ।