हलमा नम्रता र भोलाको ‘डेसान’

आज शुक्रबारबाट २ नयाँ फिल्म रिलिज भएका छन् । सामाजिक कथावस्तुमा रिलिज भएको फिल्म ‘डेसान’ र एक्सन जनराको ‘सोल अफ द कमान्डो’ आजबाट रिलिज भएका हुन् । फिल्म ‘डेसान’ले समाजमा देखिएको महामारीको कथा भन्छ । यो फिल्मलाई कमल मगरले निर्देशन गरेका हुन् । फिल्ममा भोलाराज सापकोटा, नम्रता सापकोटा लगायतका कलाकारको अभिनय छ ।

लामो समयपछि नायिका सापकोटाको फिल्म हलमा लागेको हो । यो फिल्मबाट उनी निक्कै आशावादी देखिएकी छिन् ।

मंसिर महिनामा रिलिज भएका कुनै पनि नेपाली फिल्मले हलमा औषत दर्शक पनि तान्न सकेका छैनन् । यी दुई फिल्मले पनि दर्शक नतानेको खण्डमा नेपाली फिल्मका लागि मंसिर महिना खल्लो हुनेछ ।