मलिकाले फिल्म नगर्नुको कारण के ?

फिल्म ‘पानी फोटो’मा काम गरेपछि नायिका मलिका महतले नयाँ फिल्म साइन गरेकी छैनन् । ‘यात्रा र पानी फोटो’मा काम गरेकी यी नायिकाले नयाँ फिल्म साइन नगर्दा उनका शुभेच्छुकहरु पनि सरप्राइज नै छन् । किनकी, म्यूजिक भिडियोकी रोमान्टिक मोडलले फिल्ममा काम गर्न किन समय लगाइरहेकी छिन् भन्ने प्रश्न उठ्नु स्वभाविक नै हो ।

के साच्चिकै मलिकालाई फिल्मको अफर नआएको हो त ? मलिका भन्छिन्–‘मैले काम गर्ने फिल्महरुको बल्ल सुरुवात हुँदैछ । ती फिल्महरुको कथा लेख्ने काम बल्ल हुँदैछ । सुरुवाती चरणमा रहेकाले पनि अहिले नै थाहा नभएको हो । केही समय पछि नै फिल्मको बारेमा जानकारी हुनेछ ।’

मलिकाले आफूले धेरै फिल्ममा काम नगर्ने पनि बताइन् । यसैले, पनि समय लगाएर काम गरेको उनको भनाई छ । रोमान्टिक मोडलको छवि बनाएपनि मलिकाले अहिलेसम्म लभस्टोरी फिल्ममा खुलेर काम गर्न पाएकी छैनन् । तर, ‘टाढा भएपनि’ मोडलको फिल्मको प्रतिक्षा भने दर्शकमा छ नै ।