‘जोश छ जवानी’मा बोल्ड साम्राज्ञीसँग पुष्प र सन्दिपको आइटम

पौषको २९ गतेबाट रिलिज हुन लागेको फिल्म ‘तिम्रो मेरो साथ’को निर्माणपक्षले प्रचारलाई आक्रामक बनाइरहेको छ । पहिलो गीत सार्वजनिक भएको केही समय नवित्दै टिजर रिलिज गरियो । अब, यसको निर्माणपक्षले फिल्मको आइटम गीत सार्वजनिक गरेको छ ।

आज काठमाडौंमा आयोजित पत्रकार सम्मेलनमा ‘जोश छ जवानीको’ बोलको गीत सार्वजनिक गरिएको हो । योगेशकाजी शाह र सारिका घिमिरेको स्वर रहेको गीतमा रमेश एमके पौडेलको शब्द, योगेशकै संगीत छ ।

यो गीतको भिडियोलाई रामजी लामिछानेले कोरियोग्राफी गरेका हुन् भने शिव ढकालले खिचेका हुन् । गीतको भिडियोमा फिल्मका मुख्य कलाकारहरु साम्राज्ञी राज्यलक्ष्मी शाह, पुष्प खड्का र सन्दीप क्षेत्रीलाई फिचरिङ गरिएको छ ।
साम्राज्ञीले यो भिडियोमा बोल्ड डान्स मात्र गरेकी छैनन्, आफ्नो उत्कृष्ट डान्स पनि देखाएकी छिन् ।

रमेश एम के पौडेलको निर्माण तथा निर्देशनमा तयार भएको फिल्मका कार्यकारी निर्माता तथा लेखक सविर श्रेष्ठ हुन् । फिल्ममा पासाङ लामा, आर्यन पौडेल र अर्नव पौडेलको लगानी छ । सविर श्रेष्ठ र बाबुराम निरौलाले मिलेर लेखेको फिल्मको कथा ट्रेलर सार्वजनिक भएपछि अझै खुल्नेछ ।

भूपेन्द्र अधिकारीको सम्पादन रहेको फिल्ममा सुवास भुषाल र योगेश काजीको संगीत छ ।