आज बिहे बन्धनमा बाँधिदै संयम र आश्मा

नायक संयम पुरी र नायिका आश्मा दाहाल आज बैबाहिक जीवनमा बाँधिदैछन् । सात बर्ष लामो प्रेम सम्बन्धलाई उनीहरुले आज बैबाहिक जीवनमा परिणत गर्न लागेका हुन् । काठमाडौंको हायात पार्टी प्यालेसमा उनीहरुको भव्य बिहे आयोजना हुन लागेको छ । बुधबार उनीहरुले महारजगञ्जको एक पार्टी प्यालेसमा उनीहरुले मेहेन्दी उत्सव आयोजना गरेका थिए ।

बिहे समारोहमा उनीहरुले आफ्ना नजिकका साथी र आफन्तलाई मात्र बोलाएका छन् । परम्परागत रुपमा बिहेको आयोजना गर्न लागिएको आश्मा पिता प्रदीप दाहालले बताएका छन् । संयम निर्देशक नारायण पुरीका छोरा हुन् । उनीहरु दुबै जना केही बर्षदेखि अमेरिकामा रहँदै आएका छन् । आश्मा र संयमले फिल्म ‘आभाष’मा एकसाथ काम गरेका थिए ।

संयमले काम गरेको फिल्म ‘सायद’ दर्शकले निक्कै रुचाएका थिए । उनीहरुले मंसिर २१ ग्ते हायात होटलमा नै भव्य बिहे पार्टीको आयोजना समेत गरेका छन् ।