देशभर सोलो रिलिज भयो रिस्ता र सुनिशाको ‘पासो’

नेपालभर आजबाट फिल्म ‘पासो’ रिलिज भएको छ । भगवान् भुजेलको निर्माणमा तयार भएको यो थ्रिलर फिल्ममा आर बी पुनको निर्देशन छ । फिल्ममा नायिका रिस्ता बस्नेत र सुनिशा बजगाँइको मुख्य भूमिका छ । डेढ घन्टा लामो यो फिल्ममा गीत छैन । निर्देशकले फरक शैलीमा फिल्मको निर्देशन गरेको बताएका छन् ।

मल्टिप्लेक्समा यो फिल्मलाई औषत शोज मिलेको छ । दर्शकको साथ मिलेको खण्डमा फिल्मको शोज बढ्ने निश्चित छ ।

यो फिल्मका लागि दुई नायिकाले निक्कै मिहिनेत पनि गरेका छन् । फिल्ममा एक बक्सामा थुनिएकी यूवती र उसको साथीको अपहरणको कथालाई उठाइएको छ । नयाँ नेपाली फिल्म हेर्न नपाएका दर्शकका लागि ‘पासो’ उपयुक्त छनोट हुनसक्छ ।