पल शाहको न्यायको माग गर्दै रक्तदान कार्यक्रम आयोजना हुँदै

एक नाबालिकालाई यौन दुव्र्यवहार गरेको आरोपमा साढे २ बर्षका लागि जेल सजायँ सुनाइएपछि नायक पल शाह तनहुँ कारागारमा छन् ।

उसो त, जेलमा रहेपनि पल शाहलाई फिल्मको अफरमा भने कुनै कमी आएको छैन । पललाई फिल्मको अफर लिएर निर्माताहरु तनहुँ पुग्ने गरेका छन् । यता, पल शाहको रिहाईको माग गर्दै उनका फ्यानहरु निरन्तर दबाब कार्यक्रम आयोजना गरिरहेका छन् ।

यसैबिच, पल शाह फ्यान क्लबले शनिबार काठमाडौंको बसन्तपुरमा रक्तदान कार्यक्रमको आयोजना गर्ने भएको छ । पल शाहको न्यायको माग गर्दै खुल्ला रक्तदान कार्यक्रम आयोजना गर्न लागिएको हो ।

बिहान १० बजेबाट दिउँसो २ बजेसम्म बसन्तपुरमा रक्तदान कार्यक्रमको आयोजना गर्न लागिएको हो । यसअघि पनि पल शाह फ्यान क्लबले उनको रिहाइको माग गर्दै दबाबका कार्यक्रम आयोजना गर्दै आएको थियो । माइतीघर मण्डलामा उनीहरुले बिरोध कार्यक्रम समेत गरेका थिए ।