सलोन, कुशल र शिल्पाको ‘मीलन’ आजबाट हलमा

त्रिकोणात्मक प्रेमकथामा तयार भएको फिल्म ‘मीलन’ आजबाट देशभरका हलमा रिलिज भएको छ । टेक पौरखी राइको निर्देशनमा तयार भएको ‘मीलन’ले सोलो रिलिजको अवसर पाएको छ । आज हिन्दी फिल्म ‘भेडिया’ मात्र फ्रेस रिलिजको रुपमा हलमा लागेको छ ।

निर्देशक टेक पौरखी राइले मल्टिप्लेक्समा कम शो पाएपनि चित्त नदुखेको बताए । उनले, शनिबारबाट दर्शकको चाप हलमा बढेपछि शोज पनि बढ्ने विश्वास व्यक्त गरे । सलोन बस्नेत, कुशल शाह ठकुरी र शिल्पा थापा यो फिल्मको मुख्य भूमिकामा छिन् । यी तिन कलाकारको प्रेम कथामा फिल्कम बनेको छ ।

प्रविन थापाको लगानीमा तयार भएको यो फिल्ममा कविराज गहतराजको कोरियोग्राफी, राजु सेन्चुरीको संगीत, कुमार महर्जनको एक्सन निर्देशन, राहुल राइलको छायांकन छ । फिल्ममा तारा थापाको सम्पादन छ । यो फिल्मले प्रिमियरमा पनि राम्रो प्रतिक्रिया पाएको थियो ।

यसैले, पनि हलमा दर्शकको राम्रो उपस्थिती हुनेमा निर्माणपक्ष विश्वस्त छ ।