‘छ माया छपक्कै’को डिजिटल राइट्स आफैसँग, ‘छक्का पन्जा ४’को बेचे दीपकले

फागुणको १९ गतेबाट रिलिज हुन लागेको यो बर्षकै प्रतिक्षित फिल्म ‘छक्का पन्जा ४’को डिजिटल अधिकार विक्री भएको छ । यो फिल्मको डिजिटल अधिकार ओएसआर डिजिटललाई बिक्री गरिएको हो । ओएसआरका प्रमुख ओम अग्रवाल र फिल्मको टिमले संझौता पत्रमा हस्ताक्षर गरेको छ । फिल्मलाई कति लाखमा बिक्री गरिएको हो भन्ने खुलेको छैन ।

यो फिल्मले बक्स अफिसमा मात्र नभएर डिजिटल बजारमा पनि धमाका मच्चाउने अपेक्षा गरिएको छ । दीपकराज गिरीको टिमले बनाएको यो फिल्मलाई हेमराज बीसीले निर्देशन गरेका हुन् । फिल्ममा दीपकको साथमा केदार घिमिरे, दीपाश्री निरौला, निर्मल शर्मा, बेनिशा हमाल, मलिना जोशी लगायतको अभिनय छ ।

दीपकको टिमले फिल्म ‘छ माया छपक्कै’को डिजिटल अधिकार आफैसँग राखेको थियो । तर, यसपटक भने उनीहरुले ओएसआरलाई बिक्री गरिएको छ ।