‘वीर विक्रम २’ को हिन्दी संस्करणको ट्रेलर सार्वजनिक

नेपाली फिल्म ‘वीर विक्रम २’ को हिन्दी संस्करणको ट्रेलर सार्वजनिक गरिएको छ ।

निर्देशक मिलन चाम्सको निर्माण तथा निर्देशनमा बनेको फिल्मको मुम्बईमा हिन्दी डबिङ गरिएको हो। यो फिल्म भारतका हल र डिजिटल प्लेटफर्ममा रिलिज गर्ने योजना निर्देशक चाम्सको योजना थियो । कोरोना महामारीका कारण फिल्म रिलिज अन्योल बनेको फिल्म ‘वीर विक्रम २’ अब युट्युबमा रिलिज हुने भएको छ।

यो फिल्मको ओएसआर इन्टरनेसनलको अफिसियल च्यानल मार्फत हिन्दी संस्करणको ट्रेलर सार्वजनिक गरिएको छ। यो फिल्मको नेपाली भर्सन भने यूट्युबमा आइसकेको छ । ‘वीर विक्रम २’ २०७६ सालको जेठ ३ गते नेपालका हलमा प्रदर्शन भएको थियो ।

नेपाली फिल्मको अन्तर्राष्ट्रिय बजार खोज्ने र थप आम्दानीको बाटो बनाउने उदेश्यका साथ हिन्दी भाषामा डबिङ गरिएको ओएसआर डिजिटलका संचालक ओम प्रकाश अग्रवाल बताए। यो फिल्म मंसीर १५ गते ओएसआर इन्टरनेसनलको अफिसियल युट्युब च्यानलमा रिलिज हुनेछ।’

बाल्यकालदेखिका दुई साथीको मित्रताको कथा बोल्ने फिल्म ‘वीर विक्रम २’ मा पल शाह र वर्षा शिवाकोटी, नाजिर हुसेन, देशभक्त खनाल, विनिशा भण्डारी, विनोद सुवेदी खत्री, मनिष लिम्बुको लगायतको अभिनय रहेको छ । सुदीप बरालको छायांकन, हिमाल केसीको द्वन्द्व र प्रदीप भारद्धाजको लेखन रहेको फिल्मको कार्यकारी निर्मातामा अर्पण सापकोटा र सह-निर्मातामा रञ्जिता सिवाकोटी छन् ।