गगन थापा मतगणना चलिरहेका बेला श्रीमतीसहित फिल्म हेर्न हल पुगेपछि…
यतिबेला देशभर मतगणना जारी छ ।
आइतबार सम्पन्न प्रतिनिधि र प्रदेशसभा निर्वाचनपछि मतगणना चलिरहेको बेला काठमाडौं क्षेत्र नम्बर ४ बाट नेपाली कांग्रेसका उम्मेदवार गगन थापा फिल्म हेर्न पुगेका छन् ।
उनले सामाजिक सञ्जाल फेसबुकमा श्रीमती सहित दरबारमार्गस्थित क्यूएफएक्स दरबार मल अगाडिको फोटो सार्वजनिक गर्दै लेखेका छन् ‘धेरै दिनको दौडधुप पछि आजको फुर्सद ।’
सोमबार उनी श्रीमतीसहित दिउँसो साढे २ बजेको शाेमा फिल्म हेर्न पुगेका हुन् । जारी मतगणनामा मतान्तर बढाउँदै लगेका थापाले फिल्म हेर्न हल पुगेको फोटो सार्वजनिक गर्दा सबैको ध्यान त्यसै तर्फ गएको छ ।
चुनाव जित्ने ढुक्क भएपछि थापा श्रीमतिसहित फिल्म हेर्न पुगेको धेरैको अनुमान छ ।
काठमाडौं-४ मा जारी मतगणनामा थापाले फराकिलो अग्रता बनाउँदै लगेका छन् । उक्त निर्वाचन क्षेत्रमा अहिलेसम्म गठबन्धनका उम्मेदवार थापाले ४१४४ मत पाएका छन् भने उनका प्रतिस्पर्धी एमालेका उम्मेदवार डा.राजन भट्टराईले २९७६ मत पाएका छन् । यो निर्वाचन क्षेत्रमा ४५ हजार मत खसेको थियो ।
प्रतिक्रिया