निर्मल शर्माले पनि सक्रिय राजनीति गर्ने

हाँस्य कलाकार निर्मल शर्माले सक्रिय राजनीति गर्ने बताएका छन् । नायक राजेश हमालले जस्तै उनले पनि अब आफू सक्रिय राजनीतिमा आउने बताए ।

उनले काठमाडौं क्षेत्र नम्बर ४ को सिफलबाट मतदान गरेका हुन् । मतदान गरेपछि उनले आफू अब सक्रिय राजनीतिमा लाग्ने बताए । यसका लागि आफूले तयारी समेत थालेको उनको भनाई छ ।

निर्मलले पनि आउँदो निर्वाचनमा उम्मेदवार बन्ने बताएपनि कुन पार्टीबाट निर्वाचन लड्ने भन्ने बिषयमा केही पनि खुलाउन चाहेनन् । सामाजिक सेवामा सक्रिय निर्मल फिल्म निर्माणमा पनि अगाडि छन् ।