मतदान गरेपछि हमालले भने, अर्को पटक चुनाव लड्छु

नायक राजेश हमालले मतदान गरेका छन् । लैनचौरस्थित जगनाथ स्मृति माबी केन्द्रबाट उनले निर्वाचनमा मतदान गरेका हुन् ।

मतदान गरेपछि नायक हमालले राजनीतिमा सक्रिय रुपमा लाग्ने संकेत समेत गरेका छन् । उनले, आउँदो निर्वाचनमा आफूलाई जनताले उम्मेदवारको रुपमा पाउने समेत बताएका छन् ।

राजेशलाई यो निर्वाचनबाट राजनीतिमा ठूलो परिवर्तन आउने विश्वास समेत छ । उसो त हमाल बेलाबेलामा राजनीतिमा आउने चर्चा समेत चल्ने गरेको छ । तर, अहिलेसम्म हमालले राजनीतिमा आउने मन बनाएका छैनन् ।

तर, अबको पाँच बर्षपछि हुने निर्वाचनमा भने उनले सक्रिय राजनीति गर्ने संकेत गरेका छन् ।