बक्सामा थुनिएकी रिस्ता र सुनिशाको कथामा ‘पासो’को ट्रेलर

 

फिल्म ‘पासो’को ट्रेलर आज सार्वजनिक गरिएको छ । विश्वज्योती हलमा आयोजित पत्रकार सम्मेलनमा १३ दिन लगाएर खिचिएको फिल्मको ट्रेलर रिलिज गरिएको हो । यो फिल्मको ट्रेलरमा अपहरणमा परेपछि बाँच्नका लागि २ यूवतीले गरेको संघर्षको कथालाई प्रस्तुत गरिएको छ ।

यो फिल्ममा नायिका रिस्ता बस्नेत र कलाकार सुनिशा बजगाँई केन्द्रिय भूमिकामा छन् । फिल्मको कथा, पटकथा, संवाद र निर्देशन आर.बी पूनको छ ।

फिल्मलाई भगवान भुजेलले निर्माण गरेका हुन् । राजकुमार राउत कार्यकारी निर्माता रहेको फिल्ममा बसन्त घिमिरे, अनु मुस्कान, अनुराग ढुंगाना र सरस्वती गुरुङ सह–निर्माताको रुपमा छन् ।

फिल्ममा रिस्ता र सुनिशाको साथमा रामकुमार बस्ताकोटी, प्रतिक दुलाल, प्रणव आकाशको मुख्य भूमिका छ । सुर्य दयालुको संगीत, उत्तम हुमागाँइको छायांकन रहेको फिल्ममा सुरेश बस्यालको कोरियोग्राफी, भूपेन्द्र अधिकारीको सम्पादन छ ।

निर्माता भगवान् भुजेलले यो फिल्मले नेपाली फिल्म क्षेत्रमा एउटा फरक मेकिङ र कथा भन्ने बताए । फिल्म मंसिरको १६ गतेबाट नेपालभर रिलिज हुनेछ ।