यूवालाई भोट भन्दै स्वतन्त्र पार्टीकी उम्मेदवारका लागि मत माग्दै वर्षा

नेपाली फिल्मका केही कलाकारहरुले यसपटक स्वतन्त्र र केही पार्टीका यूवा उम्मेदवारहरुका लागि भोट मागिरहेका छन् ।

लामो समयदेखि नेपाली मिडियाबाट टाढा रहेकी नायिका वर्षा सिवाकोटी पनि चुनाबी प्रचारमा सक्रिय देखिएकी छिन् । उनले, काठमाडौं क्षेत्र नम्बर २ कि उम्मेदवार सोभिता गौतमका लागि भोट मागिरहेकी छिन् ।

सोभिता रवि लामिछाने अध्यक्ष रहेको राष्ट्रिय स्वतन्त्र पार्टीबाट काठमाडौं क्षेत्र नम्बर २ कि उम्मेदवार हुन् । वर्षाले यूवालाई समर्थन गरौं भन्दै उनका लागि सामाजिक संजालबाट भोट मागेकी हुन् ।

नेपाली फिल्म क्षेत्रका अन्य केही कलाकार पनि यूवाको पक्षमा खुलेरै लागेका छन् ।