एक्सन फिल्म ‘सोल अफ द कमान्डो’ को ट्रेलर सार्वजनिक

मंसिर २३ गतेबाट प्रदर्शनमा आउने तयारीमा रहेको एक्सन फिल्म ‘सोल अफ द कमान्डो’ को ट्रेलर सार्वजनिक गरिएको छ। राजधानी काठमाडौँमा एक कार्यक्रम आयोजना गर्दै फिल्मको फुल एक्सन प्याक ट्रेलर सार्वजनिक गरिएको हो। एक मिनेट चालिस सेकेन्ड लामो ट्रेलर फुल एक्सन बेसमा बनाइएको छ। ट्रेलरमा राजकुमार राईको एक्सनका दृश्यहरु लाइ बिसेष स्थान दिइएको छ।

राजकुमार राईको २४ वर्ष पछि फिल्म ‘सोल अफ द कमान्डो’ बाट अभिनय क्षेत्रमा पुनरागमन भएको छ । उनले सन् १९९८ मा नेपाली फिल्म ‘कमाण्डो’ मा मुख्य भुमिकाको रुपमा काम गरेका थिए । अहिले पनि उनलाई मुख्य भुमिकामा नै देख्न सकिन्छ ।

सन् १९८६ मा दक्षिण कोरियामा सम्पन्न दशौँ एशियन खेलकुदमा तेक्वान्दो खेलमा कास्य पदक तथा सन् १९९९ मा नेपालमा भएको आठौँ दक्षिण एशियाली खेलकुदमा स्वर्ण पदक प्राप्त गर्न सफल अन्तरराष्ट्रिय क्षेत्रमा नेपालको नाम उच्च राख्न सफल तेक्वान्दो खेलाडी रहेका राईले नेपाली फिल्म क्षेत्रमा पनि बिशेष योगदान पुर्याएका छन्। ग्रयान्ड मास्टर राजकुमार राईले ट्रेलर रिलिज कार्यक्रममा बोल्ने क्रममा आफुलाइ आफ्नो गाउँ बस्ति,आफ्नो देश आफ्नो माटोले सम्झिरहेको बताए। उनले भने ”मेरो गाउँ बस्तिले मलाइ खोजेको छ, मेरो देशले मलाई खोजेको छ, मंसिर २३ गते फिल्म आउँदैछ, म फेरि आउदै छु तपाइँको लागि, फिल्मले निरास बनाउने छैन’

मिलन राइको कथा र सनम जेबीआर रानाको स्क्रिप्ट रहेको फिल्म ’सोल अफ द कमान्डो’ मा शिशिर वाङ्ग्देल, नरेन खड्का, शेषुका राई, मिलन राई, रवि थापा, रुपेश झा, पुष्प श्रेष्ठ, सीमा राई, नरेन्द्र लिम्बु, पूर्ण लिम्बु, कमला खापुङ्ग लिम्बु, सुष्मिता लिम्बु, एन्जल राई, टिका राम ठकुरी, सोनीका राईको पनि मुख्य भूमिका रहेको छ ।

फिल्म निर्देशन युवराज (वीरबहादुर) राईले गरेका हुन् भने कार्यकारी निर्माता विजय एल राई हुन्। सिलिचुङ फिल्म प्राइभेट लिमिटेडले निर्माण गरेको फिल्मत्रको निर्मातामा मिलन राई, रवि थापा र धन लिम्बू रहेका छन् । फिल्मका गीतमा आनन्द राई र सन्तोष दुमी राइको संगीत रहेको छ।

फिल्ममा छायांकन दिर्घ गुरुङको, सम्पादन नहकुल खड्काको, भिएफ़एक्स सत्यमा राना, कलर जीवन थापा, ट्रेलर बन्दे प्रसाद, बाबु श्रेष्ठको ब्याकग्राउण्ड म्युजिक, सिमोन राजबंशीको कोरियोग्राफी, द्वन्द्व निर्देशन एनबी महर्जन र सानु कुमार महर्जनको रहेको छ । प्रोडक्सन मेनेजर विमल धमला र सीमा राईले गरेका हुन् । फिल्मको डिजिटल पार्टनर ओएसआर डिजिटल रहेको छ।

कार्यक्रममा थुप्रै बिशिस्ट व्यक्तित्वहरुको उपस्थिति रहेको थियो। कार्यक्रममा चलचित्र निर्माता संघका अध्यक्ष नवल खड्का, निर्देशक मिलन चाम्स र पुर्व आइजीपी दोर्जे कुमार राईले फिल्मलाइ सफलताको शुभकामना दिएका थिए ।