‘नाई नभन्नु ल ६’ वैशाख १ बाट रिलिज हुने, टिकटकमा छायांकनको दृश्य भाइरल

नेपाली फिल्मका मेकरलाई फिल्मको छायांकनको दृश्य होस् या रिलिजको समयको दृश्य, जोगाउन मुश्किल पर्न थालेको छ । आउटडोर छायांकनका क्रममा फिल्मका दृश्य खिचेर टिकटकमा भाइरल नै बनाइन्छ । फिल्म चलेपछि हलमा खिचेर फेरि टिकटकमा भाइरल बनाइन्छ ।

फिल्मका दृश्य यसरी खिच्नु कानुन विपरित भएको आम मानिसले नवुझ्दा यस्ता खालका समस्या आउने गरेका छन् । झापामा छायांकन भैरहेको फिल्म ‘नाई नभन्नु ल ६’को दृश्य पनि यसरी नै खिचेर टिकटकमा पोष्ट गर्दा भाइरल भएको छ ।

विशेषगरि, फिल्मका मुख्य कलाकारद्धय आँचल शर्मा र आर्शिवाद क्षेत्रीले बाटो काट्दै गरेको दृश्य खिचेर टिकटकमा राखिएको छ । भिडियो हेर्दा फिल्ममा आर्शिवादले आँखा देख्न नसक्ने यूवाको भूमिका निर्वाहा गरेको वुझ्न सकिन्छ ।
फिल्मलाई विकासराज आचार्यले निर्देशन गरिरहेका छन् । सामिप्यराज तिमिल्सिना र विकासले मिलेर फिल्मको कथा लेखेका हुन् ।

यसैविच, यो फिल्मलाई आउँदो बर्षको बैशाख १ गतेबाट रिलिज गर्ने घोषणा निर्देशक विकासले गरेका छन् । उनले, मेरो फिल्मसँग कुरा गर्दै फिल्म बैशाख १ गतेबाट रिलिज हुने जानकारी दिए ।