कविता नेपालीको ट्रेडमिल डान्स टिकटकमा किन भयो भाइरल ?

टिकटकमा हरेक दिन नयाँ नयाँ भिडियो भाइरल भैरहेको हुन्छ । कुनै न कुनै स्टेप भाइरल हुन्छ र सयौंले त्यसैलाई फलो गरिरहेका हुन्छन् । मोडल तथा डान्सर कविता नेपालीको एउटा डान्स स्टेप टिकटकमा केही दिनदेखि भाइरल भैरहेको छ । कैयौंले उनको नक्कल उतार्ने कोशिश गरिरहेका छन् ।

बलिउड गीत ‘बातो ने तेरी जादु किया’ बोलको गीतमा कविताले डान्स गरेकी छिन् । रोचक कुरा के छ भने, उनले ट्रेड मिलमा डान्स गरेकी छिन् । उनले, ट्रेड मिलमा देखाएको १५ सेकेन्डको स्टेप नै अहिले टिकटकमा भाइरल भएको हो ।
यो भिडियोलाई १२ लाख बढीले लाइक गरेका छन् । १५ हजार कमेन्ट आएको भिडियोलाई १ करोड ८८ लाख पटक हेरिएको छ ।

उसो त, कविताको अन्य भिडियोमा पनि भ्यूज १० लाख भन्दा माथि छ । उनको टिकटक फलोअर्स भने करिब ५ लाख छन् ।