‘डिसेम्बर फल्स’बाट हिटको कमब्याक गर्ने आर्यनको आशा

नायक आर्यन सिग्देल हिट फिल्मबाट कमब्याक गर्न चाहन्छन् । तर, उनको लगातारको यो प्रयास सफल हुन सकेको छैन ।

आर्यनले ‘हजार जुनी सम्म, कायरा, च च हुई’ लगायतका फिल्ममा काम गर्दै दर्शकमाझ बलियो उपस्थिती गर्ने आशा नगरेका होइनन् । तर, यी फिल्मले सुपरस्टार आर्यनको स्टारडम टिकाइराख्न सकेनन् ।

उनै, आर्यन अभिनित फिल्म ‘डिसेम्बर फल्स’ पौषको १५ गतेबाट रिलिज हुँदैछ । यो फिल्ममा आर्यन रोमान्टिक लभ स्टोरी यूवाको भूमिकामा देखिदैछन् । आर्यनका लागि यो जनरा सबैभन्दा सफल र सजिलो पनि हो । किनकी, आर्यनका अधिकांश हिट फिल्म लभ स्टोरी जनराकै छन् ।

यो फिल्ममा आर्यनले उपासना सिंह ठकुरीसँग काम गरेका छन् । आर्यनले भने–‘जुन परिप्रक्ष्यमा अहिले मास फिल्महरु चलिरहेका छन् । त्यो अर्थमा हुन पनि सक्छ । जसरी यो फिल्ममा लभस्टोरी, एक्सन, थ्रिल छ । फिल्म निक्कै राम्रो बनेको छ । यसैले पनि यो फिल्म चल्छ भन्नेमा विश्वस्त छु ।’

प्रविण झाको निर्देशनमा बनेको यो फिल्मलाई रामप्रसाद रिजालले निर्माण गरिरहेका छन् । लक्ष्मण रिजाल यो फिल्मका कार्यकारी निर्माता हुन् । यो फिल्म चलेको खण्डमा नेपाली फिल्मका एक सशक्त नायकको बलियो कमब्याक हुने पक्का छ । आर्यन पनि त्यही दिनको पर्खाइमा छन् ।