के गायक प्रकाश दूतराजले अष्ट्रेलियामा आत्महत्याको प्रयास गरेका हुन् ?

गायक प्रकाश दूतराजले अष्ट्रेलियामा आत्महत्याको प्रयास गरेको नेपाल प्रेस अनलाइनले उल्लेख गरेको छ । उनले, अष्ट्रेलियामा स्थानीय समय अनुसार राती २ बजे झुण्डिएर आत्महत्या प्रयास गरेका थिए ।

सांगीतिक कार्यक्रमका लागि गायक दूतराज अष्ट्रेलियामा छन् । गायिका भूमिका गिरीसहित दूतराज सांगीतिक कार्यक्रमका लागि अक्टोबर २० तारिखमा अष्ट्रेलिया पुगेका थिए । दुबै जनालाई आयोजकले फ्ल्याटमा राखेको थियो । आफू सुत्ने कोठामा दूतराजले झुण्डिने प्रयास गरेका थिए ।

ढोका खुल्लै भएका कारण गायिका भूमिकाले देखेपछि उनलाई उद्धार गरेकी थिइन् । अहिले प्रकाशको अवस्था सामान्य रहेको नेपाल प्रेसले उल्लेख गरेको छ ।

प्रकाशको ‘घर कता हो बैनीको, जाम भो माइली, चोली मैलो भो लगायतका गीत चर्चामा छन् ।