समीक्षामाथि ढुंगा प्रहार

गायिका समीक्षा अधिकारीमाथि ढुंगा प्रहार भएको छ । संखुवासभाको खाँदबारीमा शुक्रबार आयोजना भएको सांगीतिक कार्यक्रममा स्टेज चढ्ने क्रममा समीक्षामाथि ढुंगा र अण्डा हानिएको हो । तर, ढुंगा स्टेजसम्म भने पुगेन ।

दर्शकदिर्घाबाट समीक्षालाई अश्लिल गाली समेत गरिएको थियो । सांगीतिक कार्यक्रमपछि विवाद हुँदा एक जना यूवक भने घाइते भएको प्रहरीले पुष्टी गरेको छ ।

समीक्षाले स्टेजमा आफ्नो हिट गीतहरु प्रस्तुत गरेकी थिइन् । सकेसम्म समीक्षासम्म एउटा जुत्ता भएपनि पुर्याउने र उनको बेइज्जत गर्ने उद्देश्य केही यूवाहरुको रहेको आयोजकले बताएको छ ।

एक घटनाबाट विस्तारै उठ्दै समीक्षा गीतसंगीतमा सक्रिय भैरहेकी छिन् । तर, यस्ता घटनाले उनलाई अझै विक्षिप्त बनाउने विश्लेषण सांगीतिक क्षेत्रका मानिसहरु गर्दछन् ।