‘डिसेम्बर फल्स’को गीतमा आर्यनको यस्तो गेटअप

नायक आर्यन सिग्देल र नायिका उपासना सिंह ठकुरीको मुख्य भूमिका रहेको फिल्म ‘डिसेम्बर फल्स’ पौषको १५ गतेबाट रिलिज हुँदैछ । यो फिल्मको फस्टलुकले दर्शकको मन जितिसकेको छ ।

फिल्मको फस्टलुक सार्वजनिक भएसँगै नायक आर्यन सिग्देल र नायिका उपासना सिंह ठकुरी चर्चामा छन् । यो फिल्म आर्यनका लागि विशेष छ । यो फिल्मका लागि आर्यनले मिहिनेत पनि खुबै गरेको देखिन्छ । यसैविच, यो फिल्मको एक गीतको छायांकन हालै मात्र गरिएको छ । गीतको छायांकन सेटबाट आर्यनको गेटअप लुक्स सार्वजनिक भएको छ ।

आर्यन गीतमा ह्यान्डसम देखिएका छन् । उपासना भने बोल्ड देखिएकी छिन् । प्रविण झाको निर्देशनमा तयार भएको फिल्मले बक्स अफिसमा राम्रो व्यापार गर्ने अपेक्षा गरिएको छ ।