‘चि मुसी चि’ पौष १५ बाट रिलिज हुने

हरर थ्रिलर कथामा निर्माण भएको फिल्म ‘चि मुसी चि’को प्रदर्शन मिति घोषणा गरिएको छ । यो फिल्मलाई आगामी पौष १५ गतेबाट देशभर रिलिज गर्ने तयारी निर्माणपक्षको छ । एमी स्टुडियो प्रोडक्शनको ब्यानरमा निर्माण भएको फिल्ममा प्रियंका कार्की, ऋचा शर्मा, बेनिशा हमाल, आयुष्मान देशराज जोशी, राजन खतिवडा, रविन्द्र झा, गौरब बिष्ट लगायतका कलाकारको अभिनय छ ।

यो फिल्मले नेपालमा हरर थ्रिलरको ट्रेन्ड नै स्थापित गर्ने निर्माता अरुण चक्रवर्तीले विश्वास गरेका छन् । यो फिल्मलाई मर्ण जेम्स र यश सैनीले मिलेर निर्देशन गरेका हुन् । फिल्ममा नेपाली र भारतका प्राविधिकहरुको काम हेर्न सकिन्छ । फिल्ममा रिञ्जु केसी र अरुण चक्रवर्तीको लगानी छ ।