मल्टिस्टारर ‘लाखे’ रिलिज, स्टारहरुको क्रेज हलमा देखिएला ?

आजबाट नयाँ नेपाली फिल्म ‘लाखे’ रिलिज भएको छ । सम्राट बस्नेतको निर्देशनमा तयार भएको यो फिल्म एक्सन र सस्पेन्स कथामा आधारित छ । फिल्ममा नेपाली फिल्म क्षेत्रका चर्चित अनुहारहरु जोडिएका छन् । सौगात मल्ल, अर्पण थापा, अनुप विक्रम शाही, आर्यन अधिकारी, सुशिल सिटौला, वर्षा राउत, प्रशान्त ताम्राकार जस्ता कलाकार यो फिल्ममा छन् । यसैले, मल्टिस्टारर यो फिल्मको क्रेज हलमा देखिन आवश्यक छ ।

एकसाथ यति धेरै नाम चलेका कलाकार एउटा पर्दामा कमै मात्र देख्न सकिन्छ । फिल्मले प्रिमियरमा राम्रो तारिफ कमाएको थियो । फिल्मलाई देशभरका मल्टिप्लेक्सले सिमित शोज मात्र दिएका छन् ।

यो फिल्म रिलिज भएपछि पौष ९ गतेबाट रिलिज हुन लागेको ‘मीलन’ बाहेक नयाँ फिल्म हलमा छैन । संभवत, अब दर्शकले हलमा हलिउड र बलिउड फिल्म मात्र देख्न पाउनेछन् ।