विशालको निर्देशनमा फिल्म बन्ने

‘कमेडी च्याम्पियन’को टिमले फिल्म निर्माण गर्ने भएको छ । यो फिल्मलाई विशाल भण्डारीले निर्देशन गर्नेछन् । फिल्मको निर्मातामा भने ओम प्रकाश अग्रवाल छन् । यम थापाले यो फिल्मको कथा लेखेका हुन् ।

बिहिबार निर्देशक भण्डारी, निर्माता अग्रवाल र लेखक थापाविच संझौता भएको छ । थ्रि प्रोडक्शन र ओएसआर डिजिटलको प्रस्तुतिमा बन्न लागेको यो फिल्मका लागि कलाकार भने फाइनल गरिएको छैन । फिल्मको नाम र कलाकारको बिषयमा छलफल भैरहेको निर्माणपक्षले बताएको छ ।

निर्देशक भण्डारीले आउँदो बर्षको दशैंमा यो फिल्म रिलिज गर्ने योजना बनाइएको बताए । विशालले यस अगाडि फिल्म ‘कोहलपुर एक्सप्रेस’ निर्देशन गरेका थिए । यो फिल्म निर्देशनपछि विशाल कमेडी शोज निर्देशनमा व्यस्त भए ।