साहरुखको जन्मदिनमा ‘पठान’को टिजर रिलिज

बलिउड सुपरस्टार नायक साहरुख खान आजबाट ५७ बर्षमा प्रवेश गरेका छन् । दिल्लीमा सामान्य परिवारमा जन्मिएका साहरुख आज बलिउडका बादशाहको नामले विश्वमा परिचित छन् । उनै, साहरुखको जन्मदिनको अवसर पारेर यशराज ब्यानरले निर्माण गरेको फिल्म ‘पठान’को टिजर सार्वजनिक गरिएको छ ।

साहरुखको सन् २०१८ मा फिल्म ‘जिरो’ रिलिज भएपछि अन्य फिल्म रिलिज भएको छैन । यसैले, साहरुख ४ बर्षपछि पर्दामा कमब्याक गर्दैछन् ।

यो टिजरमा साहरुख एक्सन अवतारमा देखिएका छन् । यशराजले यसपटक बलिउडमा यसअगाडि नदेखिएको एक्सन धमाका फिल्ममा हेर्न पाइने बताएको छ ।

सिद्धार्थ आनन्दको निर्देशनमा तयार भएको यो फिल्ममा साहरुख खान, दीपिका पादुकोण र जोन अब्राहिमको मुख्य भूमिका छ । यो फिल्म सन् २०२३ को जनवरी २५ बाट विश्वभर रिलिज हुँदैछ । फिल्मले बक्स अफिसमा सुनामी ल्याउने अपेक्षा गरिएको छ ।