‘महापुरुष’को ग्रस कलेक्शन ३ करोड कट्यो

रिलिजको चौथो दिन सोमबार पनि सुखद कमाई गरेको नेपाली फिल्म ‘महापुरुष’को व्यापार तिन करोड कटेको छ ।

यो फिल्मले रिलिजको तेश्रो दिन ८८.७६ करोडको कमाई गरेको छ । योसँगै फिल्मको व्यापार ३ करोड कटेको हो । फिल्मले पहिलो दिन १ करोडको ग्रस कलेक्शन गरेको निर्माताले दिएको रिपोर्टमा उल्लेख छ । फिल्मले दोश्रो दिन शनिबार १ करोड ५० लाख ग्रस कलेक्शन गरेको थियो । आइतबारको बिदाको दिन फिल्मले ८८.७६ करोडको व्यापार गरेको छ । यसरी फिल्मले ३ दिनमा ३ करोड ३८ लाखको ग्रस कलेक्शन गरेको छ ।

फिल्मले एक सातामा ५ करोड भन्दा माथिको ग्रस कलेक्शन गर्ने देखिएको छ । प्रदीप भट्टराई निर्देशित फिल्म हिटको बाटोमा गैसकेको छ । फिल्मले आगामी दिनमा गर्ने व्यापारको शेयर निर्माताका लागि मुनाफा हो ।

एकल बाबुको बिहे गर्नुपर्छ भन्ने कथामा तयार भएको फिल्ममा हरिवंश आचार्य, मदनकृष्ण श्रेष्ठ, गौरी मल्ल, राजाराम पौडेल, अरुण क्षेत्री, अन्जना बराइली लगायतका कलाकारको अभिनय छ ।