वैशाख १ मा दयाहाङ र प्रकृतीको ‘बिहे पास’

प्रवेश पौडेलको निर्देशनमा तयार भएको चलचित्र ‘बिहे पास’लाई आउँदो बर्षको पहिलो दिनबाट रिलिज गर्ने तयारीमा यसको निर्माणपक्ष लागेको छ । केही दिनमै चलचित्रको फस्टलुक र प्रदर्शन मिति सार्वजनिक गर्ने तयारीमा यसको निर्माणपक्ष लागेको श्रोतले बतायो । अहिलेसम्म यो मितिमा सुहाना थापाको मुख्य भूमिका रहने चलचित्र ‘भगवत गीता’को मात्र प्रदर्शन मिति तय गरिएको छ ।

फिल्म ‘बिहे पास’मा दयाहाङ राई र प्रकृती श्रेष्ठ मुख्य भूमिकामा छन् । फिल्ममा प्रकृती दयाकी श्रीमतिको रुपमा देखिएकी छिन् । प्रकृतीले फिल्म ‘उत्सव’मा काम गरेको ७ बर्षपछि यो फिल्ममा काम गरेकी थिइन् ।

फिल्मको छायांकन विराटनगरमा गरिएको हो । रोहित कट्टेलको प्रस्तुति रहेको यो फिल्मका कार्यकारी निर्माता रत्न श्रेष्ठ हुन् भने सह–निर्मातामा ग्याल्जेन लामा छन् । फिल्मलाई आकाश बराल, सजन काफ्ले र मर्रे केरले लेखेका हुन् ।