‘महापुरुष’ले २ दिनमा साढे २ करोड कमायो

प्रदीप भट्टराइको निर्देशनमा तयार भएको फिल्म ‘महापुरुष’ बक्स अफिसमा आक्रामक रुपमा चलिरहेको छ । यो फिल्मले तिन दिनको बिदाको भरपुर सदुपयोग गर्ने देखिएको छ । फिल्मले शुक्रबार र शनिबार बम्पर व्यापार गरेको छ । देशभरका मल्टिप्लेक्स हलमा दर्शकको उच्च अकुपेन्सी देखियो ।

यो फिल्मले २ दिनमा साढे २ करोडको ग्रस कलेक्शन गरेको निर्माणपक्षले बताएको छ । फिल्मले शुत्रबार देशभर १ करोडको ग्रस कलेक्शन गरेको निर्माताको भनाई छ । शनिबार फिल्मको व्यापार साढे १ करोड छ । २ दिनमा साढे २ करोड ग्रस कलेक्शन गरेको फिल्मले यो साता लगानी सुरक्षित गर्दै निर्मातालाई मुनाफाको बाटोमा डोर्याउने पक्का छ ।

फिल्मलाई दर्शकको बलियो वर्ड अफ माउथ समेत मिलेकाले लामो समयसम्म यो फिल्म चल्ने पक्का छ ।

आउँदो साता ‘लाखे’ नामक नेपाली फिल्म रिलिज हुनेछ । त्यसपछि पौषसम्म नेपाली फिल्मको लाइनअप छैन । जसकाकारण, यो फिल्म लामो समयसम्म चल्नेछ । हरिवंश आचार्य, मदनकृष्ण श्रेष्ठ, गौरी मल्ल, राजाराम पौडेल, अरुण क्षेत्री, अन्जना बराइली फिल्मका मुख्य कलाकार हुन् ।