फ्राइडे रिलिज: आजदेखि हलमा ‘महापुरुष’

आज शुक्रबारबाट फिल्म ‘महापुरुष’ देशव्यापी प्रदर्शनमा आएको छ ।

फिल्म ‘महापुरुष’ आजदेखि नेपाल, अष्ट्रेलिया र अमेरिकामा एकसाथ रिलिज भएको हो । फिल्मको अकुपेन्सी शुक्रबार बिहानैदेखि आक्रामक देखिएको छ ।

काठमाडौंमा आयोजना गरिएको वर्ल्ड प्रिमियरु र चितवन र इटहरीमा आयोजना गरिएको मोफसल प्रिमियरबाट वाहवाही बटुलिरहेको महापुरूषको फाइदा ओपनिङमा देखिएको हो ।

प्रदीप भट्टराई निर्देशित यो फ्यामिली सोसल ड्रामा फिल्मले एक्लोपनको जीवन बाँचिरहेका एकल पुरुषको कथा भन्छ ।

फिल्ममा मदनकृष्ण श्रेष्ठ, हरिवंश आचार्य, रविन्द्र सिंह बानियाँ, राजाराम पौडेल, गौरी मल्ल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराई, घनश्याम जोशी, अर्जुन आचार्य, पण्डित प्रज्वल लुइँटेल लगायतको अभिनय रहेको छ । यहिँ फिल्म मार्फत अरुण क्षेत्री र अन्जना बराईलीले डेब्यु गर्दैछन् ।

षट्कोण आर्टसको व्यानरमा निर्माण भएको फिल्मका कार्यकारी निर्माता रवीन्द्रसिंह बानियाँ हुन् भने निर्माता म्याक्स दीपेश खत्री रहेका छन् ।