‘चरी भररर’मा आमेश र अस्मि

Mero Film

कात्तिक ९, २०७९ बुधबार ०३:०२

गायिका मेलिना राई र गायक दीपक चालिसेको स्वरमा रहेको नयाँ गीत भिडियो सार्वजनिक गरिएको छ।

‘चरी भररर’ बोलको डान्सिङ्ग गीत तिहारको छेको पारेर सार्वजनिक गरिएको हो। नायक तथा मोडल आमेश भण्डारी र मोडल अस्मि थापा फिचर्ड भिडियोको निर्देशन कृष्ण पौडेलले गरेका हुन्।

सार्वजनिक गीतमा दिलु श्रेष्ठको शब्द रचना र सन्तोष प्रगाढको सङ्गीत रहेको छ। सुजन श्रेष्ठले छायाङ्कन गरेको भिडियोको सम्पादन युवराज खत्रीले गरेका छन्।

भिडियोमा प्रविन थापाको कोरियोग्राफी र आर.डी.दुलालको ड्रोन समावेश छ। तारा सितारा प्रोडक्सनले निर्माण गरेको भिडियोले दर्शक श्रोताको मन जित्नेमा निर्माण टिम विश्वस्त छ। भिडियो तारा सितारा प्रोडक्सनको अफिसियल यु ट्युब च्यानल मार्फत सार्वजनिक गरिएको छ।