अभिनेत्री प्रियंका कार्कीको घरमा चोरी

अभिनेत्री प्रियंका कार्कीको घरमा चोरी भएको छ ।

लक्ष्मीपूजाको दिनमा राती ९ बजे कार्कीको घरबाट चोरी भएको हो।

ललितपुर प्रहरीका अनुसार प्रियंका-आयुष्मानको भैसेपाटीस्थित घरमा लक्ष्मीपूजाको दिन राति ३० हजार रुपैयाँ नगद र करिब ५ तोला सुन चोरी भएको छ ।

बेलुका लक्ष्मी पूजा गरिसकेपछि घरमा कोही नभएको मौका छोपी चोरी भएको जिल्ला प्रहरी परिसर ललितपुरले जनाएको छ।

प्रियंका परिवार डिनरका लागि बाहिर गएको मौका पारेर शौचालयको भेन्टिलेसनको सिसा फुटाएर चोर घरभित्र पसेको ललितपुर प्रहरी परिसरका प्रवक्ता एसपी सुधीरराज शाहीले जनाए । ललितपुर प्रहरीले भने चोरीमा संलग्नको पहिचान भइसकेको भन्दै उक्त घटनाबारे अनुसन्धान गरिरहेको जनाएको छ ।