‘तिम्रो मेरो साथ’को पोष्टरमा हट बने साम्राज्ञी र पुष्प

नायिका साम्राज्ञी राज्यलक्ष्मी शाह र नायक पुष्प खड्काले अभिनय गरेको दोश्रो फिल्म ‘तिम्रो मेरो साथ’को फस्टलुक सार्वजनिक भएको छ । यो फिल्मको पहिलो गीत भोली सार्वजनिक हुँदैछ । फिल्मको फस्टलुकमा साम्राज्ञी र पुष्प हट बनेका छन् । स्विमिङ पूलमा साम्राज्ञीलाई टपलेस पुष्पले बोकेका छन् ।

फिल्ममा सन्दीप क्षेत्री, सरोज खनाल, इमिली लामा, खड्कबहादुर पुन लगायतको पनि अभिनय छ । यो फिल्मलाई रमेश एम के पौडेलले निर्देशन गरेका हुन् । फिल्ममा रमेश एमकेको कथा, गीत र लगानी छ । आर्यन फिल्मस् तथा बोधी एचडी अमेरिकाको ब्यानरमा निर्माण भएको फिल्ममा पासाङ लामाको लगानी, निरु भण्डारी, अशोक पोखरेल, सुमन पौडेल र सुधिर पराजुली सह–निर्माताको रुपमा छन् ।

शिव ढकालको छायांकन रहेको फिल्ममा सविर श्रेष्ठको पटकथा तथा संवाद, योगेश काजीको संगीत छ ।