विश्वकै सबैभन्दा सुन्दर महिला जोडी कोमर, दीपिका पादुकोण नवौं स्थानमा

विश्वकै सुन्दर महिलामा बेलायती अभिनेत्री जोडी कोमर घोषित भएकी छिन् । यस्तै, भारतीय अभिनेत्री दीपिका पादुकोण दश सबैभन्दा सुन्दर महिलाको सूचीमा नवौं स्थानमा परेकी छन् ।

विश्वका दश सुन्दर महिलाको सूचीमा पर्ने दीपिका एक मात्रै भारतीय नागरिक हुन् । दीपिका नवौं सुन्दर महिलाको सूचीमा परिराख्दा हलिउडका बियोन्से र किम कार्दसियन पनि उत्कृष्ट १० को सूचीमा अटाएका छन् ।

अभिनेत्री जेन्डया र मोडेल बेला हदिद विश्वको सबैभन्दा सुन्दर महिलाको रूपमा क्रमशः दोस्रो र तेस्रो स्थानमा रहन सफल भएका छन् ।

चौथौ स्थानमा बेयोन्स, पाँचौ स्थानमा एरियाना ग्रान्डे, छैठौं स्थानमा टेलर स्विफ्ट, सातौं स्थानमा जोर्डन डन, आठौं स्थानमा किम कार्दशियन, नवौं स्थानमा दीपिका पादुकोण र दशौं स्थानमा होयोन जंग परेका छन् ।

सुन्दरताको मापन गर्न ‘गोल्डेन रेसियो अफ ब्युटी’ भनिने पुरानो ग्रीक प्रविधि प्रयोग गरिएको हो । प्रतिवेदनका अनुसार ‘गोल्डेन रेसियो अफ ब्युटी’ जसलाई फी पनि भनिन्छ, एक गणितीय विधि हो, जसमा शारीरिक पूर्णता निर्धारण गर्नका लागि सूत्रहरू प्रयोग गरिन्छ ।

विवरणअनुसार बेलायती प्लास्टिक सर्जन डा. जुलियन डे सिल्भाले अनुहारको तत्व र बनावट बराबर भएको पाइएकाले अभिनेत्री कोमरलाई विश्वकै सुन्दर महिला घोषित गरिएको बताइन् ।

यो सूचीमा पहिलो नम्बरमा हलिउडकी चर्चित अभिनेत्री जोडी कोमरले ९८.७ प्रतिशत रेटिङका साथ विश्वका सबैभन्दा सुन्दर महिलाको सूचीमा पहिलो स्थान पाएकी हुन् ।

दोस्रो नम्बरमा हलिउडकी चर्चित गायिका तथा अभिनेत्री जेन्दाया छन् । रेटिङ अनुसार जेन्दाया ले ९४.३७ प्रतिशत रेटिङ पाएकी हुन् । तेस्रो नम्बरमा रहेकी अमेरिकी मोडल बेला हदिद सुन्दर महलिाको यस सूचीमा उनले ९४.३५ प्रतिशत रेटिङका साथ यो स्थान हासिल गरेकी हुन् ।

त्यस्तै अमेरिकाकी चर्चित र सुन्दर गायिका, अभिनेत्री र लेखिका बियोन्सीको नाम पनि यो सूचीमा परेकी उनले ९२.४४ प्रतिशत रेटिङका साथ चौथो नम्बरमा छिन् ।

अमेरिकी गायिका तथा लेखिका एरियाना ग्रान्डे विश्वकै सुन्दर महिलाको सूचीमा पाँचौं नम्बरमा छिन् । उनले ९१.८१ प्रतिशत रेटिङ पाएकी छन् । यता टेलर स्विफ्ट एक प्रसिद्ध अमेरिकी पप गायिका हुन् । उनी यो सूचीमा छैटौं नम्बरमा परेकी छन् । उनले ९१.६४ प्रतिशत रेटिङ प्राप्त गरेका छन् ।

यसपछि हलिउडकी हट अभिनेत्री जोर्डन डन सुन्दर महिलाको सूचीमा सातौं नम्बरमा परेकी छन् । उनले ९१.३९ प्रतिशत रेटिङ पाएकी छन् । ग्लोबल पर्सनालिटी किम कार्दशियनको नाम ८ नम्बरमा दर्ता भएको छ । उनी आफ्नो सुन्दरता र कर्वी फिगरका कारण चर्चामा रहने गर्छिन् । उनले ९१.२८ प्रतिशत रेटिङ पाएकी छन् ।

यसका साथै बलिउडकी मस्तानी अर्थात् अभिनेत्री दीपिका पादुकोण जो विश्वकै सुन्दर महिलाको सूचीमा ९ नम्बरमा छिन् । उनलाई यस सूचीमा ९१.२२५ रेट गरिएको छ । त्यस्तै दक्षिण कोरियाली अभिनेत्री तथा मोडल होयोन जङको नाम पनि परेको छ । उनी सूचीको १० नम्बरमा छन् । होयोनले ८९.६३ प्रतिशत रेटिङ पाएकी छन् ।