दया र विपिनको ‘फूलबारी’ फागुण ५ बाट रिलिज हुने

रामबाबु गुरुङको निर्देशनमा तयार भएको फिल्म ‘फूलबारी’को प्रदर्शन मिति तय गरिएको छ । यो फिल्मलाई फागुणको ५ गतेबाट रिलिज गर्ने तयारीमा यसका निर्माता र वितरक छन् । औपचारिक रुपमा भने जानकारी गराइएको छैन ।

मेरो फिल्मलाई श्रोतले दिएको जानकारी अनुसार, २ दिन अगाडि मात्र फिल्म फागुण ५ गते रिलिज गर्ने फाइनल गरिएको हो । यसको निर्माणपक्षले वैशाख १ गतेको मिति पनि हेरिरहेको थियो । तर, ‘कबड्डी’ सिरिजका हिट निर्देशकले फागुण ५ लाई लक गरेका छन् ।

यो फिल्ममा दयाहाङ राई, विपिन कार्की, प्रियंका कार्की, शिल्पा मास्के लगायतका कलाकारको अभिनय छ । फिल्मलाई पारिवारिक कथामा निर्माण गरिएको निर्माणपक्षले बताएको छ । उसो त, यो मितिमा पहिले नै ‘परदेशी २, लण्डन टू पेरिस’ले पनि प्रदर्शन मिति तय गरिसकेका छन् । यदि, निर्धारित मितिबाट कुनै पनि फिल्म हलचल भएनन् भने त्रिपक्षिय भिडन्त पक्का भएको छ ।